Durante luna di òktober Tourism Corporation Bonaire (TCB) a duna rekonosementu na seis wéspet komo Embahador di Boneiru.
Ta trata aki di Bas Salzmann i Linda Cornelissen prosedente di Hulanda ku a keda honrá ku un feneta di plata en konekshon ku nan di 15 aña di bishita na Boneiru. Robert Casagrand prosedente di Merka a risibí su rekonosementu pa su di 20 aña ku e ta bishitá nos isla i el a risibí feneta di oro. Giovanni Carletti di Suisa konhuntamente ku Gabriel i Brigitte Guy di Fransia tambe a keda rekonosé pa nan di 22 aña di bishita na Boneiru.
Tabata Helen Mercera, Virgy Balentin i Annette Emerenciana ku a ofisialisá e seremonia
i a hasi entrega di e sertifikadonan i fenetanan korespondiente. Riba e kombinashon di potrèt por apresiá e embahadornan den kompania di empleadonan di TCB.
