Partidonan polítiko ku ke partisipá na elekshon di Konseho Insular bou di un sierto denominashon, mester laga registrá e denominashon akí na e ofisina elektoral sentral di nos isla. E denominashon akí ta bini parti ariba di e lista di kandidato. E registrashon ta keda bálido pa e elekshonnan siguiente, te na momentu ku e partido no ta eksistí mas, a ser prohibí pa medio di un veredikto di wes òf no a entregá un lista di kandidato bálido pa e elekshon di Konseho Insular ku a tene último.
E posibilidat pa agrupashonnan polítiko entrega un petishon pa registrá un denominashon pa e próksimo elekshon di Konseho Insular ta sera riba djaluna 19 di desèmber 2022.
Pa mas informashon tokante esaki bo por akudí na:
Registro Sivil
Kaya Neerlandia 40
+599 715 5314
burgerzaken@bonairegov.com