Evento cultural exitoso di Don Flip Racing
Minister di Cultura tabata presente na e dam di Kas Ariba na unda cu riba Dia di Betico a tuma lugar e Weganan Popular organisa pa Don Flip Racing.
Tabata un atardi yena cu entretenimiento, musica, cuminda y bon ambiente na unda cu e mandatario por a comparti un rato cu esnan presente y mira nos muchanan participa den e tradicional Weganan Popular. Esaki sin duda tabata sumamente bunita pa wak mirando cu e Weganan Popular ta ser carga pa nos muchanan cu ta esnan cu lo sigui carga e tradicion aki pa nos futuro generacion.
Minister Maduro ta gradici Don Flip Racing cu un tremendo evento na unda cu tur aña miles di hende ta pasa bishita esaki. ‘Danki pa biba nos Cultura’ tabata palabra di e mandatario na final di e bishita aki.
