Bonaire

A finalisá proyekto konhunto ‘E brùg pa oportunidat’ di Entidat Públiko Boneiru, Plenchi di Trabou i Selibon

A Finalisa Proyekto Konhunto ‘E Brug Pa Oportunidat Di Entidat Publiko Boneiru Plenchi Di Trabou I Selibon

E proyekto ‘E brùg pa oportunidat’ ku na aña 2021 Entidat Públiko Boneiru, Plenchi di Trabou i Selibon a kuminsá kuné, a yega na un fin. A ofresé seis partisipante un kòntrakt na Selibon. Meta di e proyekto konhunto tabata pa krea kupo di trabou pa personanan ku pa motibu di e pandemia di corona a pèrdè trabou. Tabata empleá e kandidatonan prinsipalmente pa trabou di kapmentu i mantenshon na sitionan públiko.

Na fin di aña 2022 despues di nan partisipashon a mèldu nuebe di e 15 partisipantenan pa guia mas aleu via Plenchi di Trabou. Mesora a aktivá e intrumento di reintegrashon ‘Di trabou pa trabou’. Enfoke di esaki ta pa yuda e kandidatonan akí haña un otro trabou ku ayudo di coaching di karera. Nan ta risibí treinen di abilidat sosial i abilidat di empleado, loke ta nesesario pa nan profilá nan mes mas mihó i siña kon pa presta i funshoná mas mihó, pero tambe pa wak ki tipo di trabou lo pas mas mihó serka nan situashon aktual.

Ta para ketu na e diferente rutanan pa regresá merkado laboral: trabou pagá i/òf empresario independiente. Ta ofresé guia i kuido despues di e proyekto tambe, di manera ku por garantisá un empleo duradero. Den esaki no ta mira solamente den direkshon di trabou pagá, pero tambe den direkshon di empresariado. Den kaso di un empleo di kontinuashon tambe Plenchi di Trabou ta sigui vigilá si tur kos ta kana bon, pa sòru ku e partisipantenan por subi merkado laboral den un forma duradero.

Related posts

Succesvolle eerste ‘European Cultural Exchange Fair’ op Bonaire

EA News Author

Frakshon di mpb konhuntamente ku frakshon di upb ta presentá moshon di fasilidat pa piskadó

EA News Author

Boneiro mester implementa un maneho di tereno

EA News Author

Leave a Comment

Whatsapp Message