Akademia Popular Errol Scoop e ala di formashon emansipatorio di Kousa Promé ta start djaluna awor 17 di aprel ku e kurso “Historia i Kultura di Kòrsou”. Total lo tin 12 lès. E dosentenan ta historiadó i spesialista di género drs. Jeanne Henriquez MSc, ortopedagogo i spesialista di maneho di enseñansa drs. Humphrey (Pim) Senior, historiadó drs. Frank (Max) Elstak, hurista i antropólogo mr. dr. René Rosalia, antropólogo prof, dr. Rose Mary Allen i antropólogo drs. Richinel (Muz) Ansano. E 12 lèsnan ta grátis. Pa inskribí mester paga fl. 25,-.
Lèsnan ta tur djaluna anochi di mitar di shete pa nueb’or na Sentro di Bario Santa Maria. Pa motibu di interes grandi serka adultonan mayó Akademia a habri 10 lugá mas pa partisipá.
Kontenido di e lèsnan ta kubri e.o.:
Afrika antíguo kuna di humanidat i kuna di sivilisashon;
Kolonisashon di Afrika pa europeonan;
Kolonialismo, sklabitut i komèrsio transatlántiko;
Sklabitut na Kòrsou;
Sklabitut i e lucha di Tula na Kòrsou;
Presensia afrikano den kultura di Kòrsou.
Situashon na Kòrsou después di 160 aña abolishon di sklabitut;