Partido nan den CGOA ta firma 2 konvenio relashoná ku kondishon nan di trabou di empleadonan públiko

Dia 1 di yüni 2023 Minister di Maneho di Gobernashon, Planifikashon i Servisio Públiko (BPD) i na otro banda Komishon Sentral di Sindikatonan (CCvV) a firma dos konvenio ku ta relashoná ku kondishon nan di trabou pa e empleado públiko.

E promé konvenio ku partidonan a firma ta un konvenio ku ta regla e kondishon nan di kompensashon ora di biahe pa trabou pa e personal di wardakosta.

E di dos konvenio ta un konvenio kaminda ta palabra ku e pago di e impuesto riba e sèn di vakashon pa e próksimo aña lo bai buska un posibilidat pa retené e montante aki mensualmente.

Tantu minister komo e sindikatonan a ekspresá nan gradisimentu na e esfuerso mutuo hasi pa yega na e firmamentu di e konvenio nan.