Fundacion Alzheimer lo cumpli 20 aña den luna di september

Melva Croes Yaniz ta un Neuropsicologo Clinico y ta fundado y presidente di fundacion Alzheimer Aruba. E aña aki e fundacion ta haci 20 aña y esaki ta significa hopi pa e fundacion. Na september lo celebra esaki den un manera special.

Sinembargo e 20 aña nan aki ta significa hopi pa henter e directiva. Segun Melva Croes Yaniz den e prome añanan e comunidad tabata interesa hopi ricibi informacion, pero na e mes momento e fundacion a haya hopi acogida den comunidad.

Despues di 2011 pa 2012 e interes a cuminsa baha hopi pero e fundacion a sigui padilanti y ta duna informacionnan na cas. Na momento cu e fundacion a sali afo y duna alerta di e abuso y situacionnan cu ta sosodiendo contra di e clientenan y e personanan mes no ta gusta esaki.

Na mes un momento ta compronde e parti aki mirando cu hende no ta gusta wordo confronta cu nan banda menos bunita, segun Melva Croes Yaniz. E berdad ta cu tin hopi discriminacion cu ta tumando luga unda cu nan ta wordo trata diferente cu un otro cliente. Durante di e 20 aña nan a amplia hopi riba e servicionan, prome semper tabata atende cu e diagnostica pero ultimamente a amplia e ayudo di e trastornonan cu tin.

Alzheimer ta solamente un di e trastornonan, pero tin diferente trastornonan neurocognitivo cu antes tabata yama demencia cu kiermen sin mente, segun Melva Croes Yaniz

Sinembargo no por cualifica e personanan aki sin mente mirando cu nan tin nan mente te na momento cu nan fayece ainda nan tin mente. Na 2024 e Diagnostic and Statistical Manual of Mental Disorders a pronostica cu no lo uza e nomber di demencia mas y durante tempo e hendenan mester descustumbra cune. Den e 20 aña nan aki a bishita diferente miembro/cliente unda cu fundacion Alzheimer ta wordo yama unda cu ta duna lectura na cas. Antes tabata duna lectura den un manera general y publico, pero despues a cuminsa duna esaki den gruponan cu ta interesa na gruponan na cas.