E cantante y componista Irlandes Sinéad O’Connor a fayece na edat di 56 aña. Esey ta confirma su famia na varios medio di comunicacion Irlandes. No a duna di conoce ainda kico a causa su morto.
Ta cu hopi tristesa ta anuncia e morto di nan kerido Sinéad, laga e famia sa den un declaracion cortico. Su famia y amigonan ta hopi tristo y ta pidi privacidad den e momento dificil aki.
Connor ta conoci principalmente pa su hit Nothing compares 2 u (1990), un cover di un cancion di Prince. Den total e cantante a lansa dies álbum di estudio, di cual Im not bossy, I m the boss di 2014 tabata e ultimo. Na 2021, O’Connor a anuncia cu e lo retira, pero despues el a bolbe.
E cantante, kende tabata lucha cu un trastorno bipolar, a sali den noticia den e ultimo añanan principalmente pa declaracionnan tocante entre otro su problemanan mental. Na 2021 el a publica su autobiografia den cua entre otro e ta conta tocante su hubentud dificil. O’Connor tambe a haci varios intento di suicidio.
E cantante ta sobrevivi dor di tres di su yiunan. Su yiu hòmber Shane (17) a comete su mes aña pasa. Cuater dia despues di su morto, O’Connor a bay hospital. Mi ta perdi sin mi yiu y mi ta odia mi mes asina e la expresa den e momentonan dificl na momento cu e la perde su yiu. E hospital a yuda pa un tempo. Pero mi ta bay busca Shane. “Esaki ta solamente un adiamento”, el a skirbi riba Twitter y awe por bisa cu no a wanta esaki y ta fayece na un edad di 56 aña.
1 comment
[…] Source link […]