Recaudacion – Conscientizacion – Diberticion – Premio y mucho mas!
Aruba One Happy Island Lions Club ta invita henter comunidad, un y tur, grandi, hoben y nos muchanan, como tambe nos deportistanan y esnan cu tin caminata y coremento como hobby pa reserva dia 24 di februari 2024 pa e prome LIONS 5K FUN RUN WALK. Esaki ta un evento di Distrito 35N, cual ta consisti di clubnan di Lions di Florida, Bahamas, Aruba, Bonaire y Curaçao.
E evento aki lo ta un dia di recreacion, fitness, conscientisacion, diberticion, union y amistad pa un y tur, famia, colega, deportistanan y tur esnan cu ta desea di pasa un rato agradabel y cana of core e 5 kilometer. Un invitacion tambe ta bay pa nos muchanan di scol, nos hobennan, persona cu limitacion pa participa den un evento sano, dibertido y deportivo. E evento aki ta priminti di lo no exigi ningun extra energia y extra preparacion pa participa, kiermen no tin mester tin un nivel di experencia den coremento of caminata. Marke den boso calendario/agenda, no perde e oportunidad di participa den e fascinante evento aki. Pronto e fecha pa cuminsa registra y pago on-line lo wordo anuncia y tambe keda pendiente pa mas informacion cu lo wordo publica proximamemente den medionan y riba rednan social. Cu bo participacion bo lo contribui pa e prome “Lions 5 K Fun Run Walk” resulta den un gran exito. E evento aki lo ta uno pa promove movecion sano y pa conscientisa nos comunidad riba e areanan global di Lions Club Internacional ta enfoca y tambe recauda fondo pa por sigui sirbi comunidad atrabes di proyectonan di servicio. Si bo ta desea di coopera como boluntario tuma contacto cu lions5kfunrunwalk@gmail.com of whatsapp 562-9129.