Sidney Ponson Charity Foundation ta sigui cu su meta pa duna na comunidad. Despues di un tremendo evento di pesca di mas grandi na Aruba Wind Creek Aruba Open. Por bisa cu oficialmente Ferm Caribbean Traiding a entrega e basket nan na Sidney Ponson como presidente di e fundacion Sidney Ponson Charity Foundation.
Despues di a haci un sondeo y a sinta cu diferente personanan cu ta yuda personanan den necesidad e fundacion a haya e lista di e personanan aki y manera priminti 125 persona den nos comunidad a ricibi e basketnan manera a ser priminti cu e basketnan a keda parti pa famianan den necesidad.
Sidney Ponson Charity Foundation no ta publica potret di entrega di e basketnan debi cu ta kere firmemente cu na momento cu ta haci un donacion na personanan cu tin necesidad e no ta un mercadeo , pero cu ta haci e trabao y gesto di curason pa esun cu mas tin mester. E intencion no ta pa publica e gesto, pero cu e gesto por contribui na yuda un otro cu sinceridad y curason.
Tambe Sidney Ponson Charity Foundation ta gradici tur esnan cu a participa na e torneo di pesca y tambe tur esunnan cu a contribui di un of otro manera cu a haci posibel cu awe 125 cas a ricibi nan basket di fin di aña.