Temporada di Pasco ta tur caminda y centro di bario playa pabao tambe ta pone ambiente den e bario. Presidente di centro di bario playa pabao Dennis Burke ta duna di conoce cu e directiva a dicidi di pone un anochi di Pasco y e biaha aki ta hopi special debi cu tin un bazaar unda cu tin diferente stand nan unda cu tin cuminda, pero tambe diferente acesorio nan di Pasco cu ta wordo bendi.
E bazaar di Pasco lo ta bay ta e ultimo actividad cu lo tuma luga pa e aña aki na centro di bario playa pabao y asina a despedi y ta hopi satisfecho con e aña 2023 a bay pa centro di bario playa pabao. Cada actividad cu e centro a organisa e la wordo bon bishita y esaki sigur ta di aprecia. Di e manera aki centro di bario playa pabao ta gradici tur esunnan cu a comparti cu e centro durante di henter e aña cu e diferente actividadnan cu nan ta organisa y di e manera ey ta sostene e centro di bario.
