Ayera atardi a drenta un notifikashon na Sentro Operashonal Marítimo di Wardakosta ku un persona lo mester ser trasladá pa hospital. E persona tabata sambuyá na Klein Kòrsou i na un momentu dado e la bira malu den laman. Mesora Wardakosta a dirigí e helikòpter di Wardakosta pa transportá e hende hòmber akí mas pronto posibel pa hospital, pa asina e risibí tratamentu médiko
Wardakosta a laga e helikòpter bai Klein Kòrsou buska e persona einan i transport’é pa Kòrsou, kaminda un ambulans tabata para kla pa hib’é hospital. Wardakosta ta deseá e persona pronto rekuperashon.