Central Post a manda e vigilancia pa Tech Shack na Nieuwstraat pa un bicicleta cu ta ser sospecha di ta cera. Na yegada na e sitio, e agentenan a topa e usuario di droga conoci pa polis, e homber cu yama H. El a conta cu awe el a haña un bicicleta cu tabata na un palo di luz mara cu “tie-wrap”. E tabata trata di un bicicleta di marca Shogun, modelo Shockwave 2600 y di color preto, cora y blanco. Mesora el a sospecha cu e bicicleta a bin di ladronicia y cu e tabata pertenece na Tech Shack. A base di esaki, el a hiba e bicicleta na Tech Shack pa busca e doño legitimo. E personal di Tech Shack a pensa cu esaki tabata straño y a yama polis. Despues di esaki, polisnan a hiba e bicicleta na e warda di polis Oranjestad pa warda e doño di e bicicleta.
Homber cu a haya bicicleta mara na palo di luz a entrega esaki pa haya su doño
