Diabierna den The Venue Club ATHA a presenta e resultado di e proyectonan cu mas a resalta den Poder di Hubentud edicion 10.
Directora di ATHA Srta. Franchesca Heinze a hiba palabra y a gradici tur esnan cu a coopera pa haci e di 10 edicion di Poder di hubentud exitoso, tabata 6 siman intensivo di cual hobenan a haya diferente semenario pa nan desaroyo personal.
Prome Minister Sra. Evelyn Wever-Croes tambe tabata presente pa dirigi palabra na e hobenan y motiva nan pa sigui kere den nan soñonan.
Miss Youth Srta. Jennely Winklaar a briya cu su presencia pa apoya e hobenan y yuda entrega premio na e hobenan cu a resalta.
E siguiente premionan a ser otorga na:
Hoben mas social:
Jaylon Machado
Hoben mas diciplina
Brian Urquiza
Hoben cu mas a destaca den desaroyo personal
Janella Giromus
Top 5 miho proyecto:
Stephanie Quant-Hubentud Empodera, Lizienne Webb-Maletin Musical, Phillip Martinus-Arte pa un y tur, Julissa Winklaar-Bo’n ta boso, Dayenne Croes-Scohe awo.
Proyecto Ganado, Renderly Trimon-Separa y Recicla.
E anochi a clausura cu un Youth Fest , presenta pa varios Dj y show di baile di ganadonan di Gang di Arte y Dream Dare Do.
Poder di Hubentud a drenta su di ultimo fase. Esaki ta ensera cu e proyecto Separa y Recicla lo ser ehecuta.
