Proyecto Arubiano Hunto Grandi, Grandi Hunto ta mantene hende di edad activo y ta motiva nan pa keda independiente y participa den e actividadnan diario den comunidad. P’esei nan a wòrdu nominá pa “Oranje Fonds “hunto cu e otro di e 9 nominadonan.
E fundacion ta enfoca riba e bienestar di e personanan di edad. No solamente fisicamente, pero tambe mentalmente. Con? Promoviendo interaccion social y participacion den comunidad.
“Nos no ta desea solamente pa evita cu hende grandi ta keda nan so, sino tambe pa brinda un calidad di bida floreciente y conecta cu otro”.
Fundacion Movimiento ta Bida
Ademas di participa den actividadnan, hende di edad por participa tambe den pensamento. Otro seniornan cu ya a participa ta comparti nan experencia pa inspira nan compañeronan. Cu reunionnan regular, actividadnan, un sistema di ‘buddy’, workshopnan educativo y envolvimiento den trabou boluntario, sintimento di soledad ta baha. “Hunto nos ta construi un comunidad den cua hende di edad no solamente ta haña sosten, sino tambe ta participa plenamente den bida diario”.
Un pabien pa e fundacion cu awo cu e sosten aki por sigui duna sosten na nos grandinan.