Kompañá pa un banda bibu eksepshonal, Nivillac su aktuashon yen di ‘soul’ ta keda komplementá pa un kolaborashon ku e eskultor renombrá di Kòrsou 7.1., Giovanni Abath. E eksposishon di arte di Abath, yama ‘Lus’, a keda diseña espesialmente pa e evento aki i ta kuadra bunita ku e vishon di Nivillac. Selebrando e trayekto di diskubrí bo lus interno i brasando e berdadero mensahe di e temporada – un mensahe atemporal di lus i amor.
ReNEWd Foundation
Sinku aña pasá, Nivillac a kuminsá ku ReNEWd Foundation pa krea un espasio seif pa hende muhé hulandes-karibense empresarial ku ke traha riba nan desaroyo personal, reflehá, krese i traha riba nan netwerk. E komunidat online ta konektá hende muhé den e diáspora hulandes-karibense i Hulanda. Na 2024, e ReNEWd Foundation a selebrá Dia Internashonal di Hende Muhé na un manera grandioso, unda mas ku dies coach a bini huntu pa guia partisipantenan durante e evento ‘2024-ward Woman’. Aki e coachnan a kompartí perspektiva di diferente área di ekspertisio i a guia e partisipantenan kon pa bira un mihó vershon di nan mes i reflekshoná riba e kosnan ku nan mester a traha riba dje. Preparashonnan pa e edishon di 2025 ta andando kaba.
E EKSPERENSIA ‘EAT, PRAY AND LOVE’
Na 2024, Tamara Nivillac tambe a kolaborá ku Marixanne Martina pa organisá e eksperensia ‘EAT, PRAY AND LOVE’. E promé evento a tuma lugá na sèptèmber 2024 na Madrid, Spaña, kaminda nuebe hende muhé di diferente antesedente a bini huntu pa traha riba nan desaroyo personal, reflekshon spiritual i apresio kultural. Tabatin seshonnan di outo-reflekshon, visualisashon, orashon i gratitut. E masterclassnan a keda dirigí pa Marixanne Martina, kende a termina parti di su estudio na Madrid. E edishon di sèptèmber 2025 di e eksperensia ‘EAT, PRAY AND LOVE’ ya ta ‘sold out’ i ainda tin lugá disponibel pa yüni 2025.
Pa mas informashon tokante ‘Home’ e konsierto di Pasku of e otro eventonan organisá pa ReNEWd Foundation, por yama of email +5999-566-4666 of info@tamaranvillac.com. ‘Home’ ta primintí di ta un eksperensiá intimo ku lo perdura den kurason di tur ku asistí, pues no pèrdè.
