Ayera nochi, Wardakosta a haña un notifikashon ku un hòmber lo a kai for di su jetski.
E hòmber a yega serká e miembronan di tripulashon di un boto charter na Fuikbaai i
a indiká na nan ku e tin hopi doló. Ta sospecha ku e hòmber por tabatin problema ku
su pulmon.
Mesora despues di e notifikashon, e Sentro di Operashonnan Marítimo di
Wardakosta a konsultá ku e dòkter di CITRO pa konseho, kende a indiká pa
transportá e hòmber mesora pa hospital pa tratamentu médiko. Wardakosta a dirigí
un boto di patruya mesora direkshon di Fuikbaai pa asina buska e hòmber.
Wardakosta a hiba e hòmber ku e boto di patruya pa e waf di piskado na
Caracasbaai, unda un ambulance tabata warda riba dje pa hib’é hospital. Wardakosta
ta deseá e persona un pronto rekuperashon.
Wardakosta ta hasi evakuashon médiko di hòmber koredó di jetski
