Marjorie Vermeer ta un persona cu tin Aruba y su naturalesa na pecho. Sra Vermeer tambe tabata presenta na e protesta pa asina mustra su malcontento riba tur e desaroyo cu tin di hotelnan cu ta bin Aruba. Segun Marjeorie ta ironia di bida na unda cu ultimo a para cu Minister Ursell Arends na e hotel y a haci un accion di firma cu no ta bin cu mas hotel y no ta tuma mas beach di Aruba. Ta lamenta cu gobernantenan ta keda duna nos beachnan y local nan mes ta keda hala un banda.E beach cu St. Regis Hotel a tuma ta netamente e raiz unda generacionnan tras di generacion ta bishita, pero hotel ta core cu nos local nan aña aden y aña afo. Un situacion cu aña aden y aña afo a papia , pero ningun hotel ta respeta y ningun gobernante no ta respeta y para pa e pida baranca aki, e movecionnan aki ta ilustra cu tin miedo paso e hotel dicidi e no ta bin? Gobernantenan tin duda di nos producto Aruba pa otro interesadonan di cadena hotelero cu si lo respeta Aruba y su hendenan? Un situacion inaceptabel di tanto cadenanan hotelero y gobernantenan cu ta permiti situacionnan asina aki na Aruba.