Awo disfrutando di un dushi pensioen. Departamento di Agricultura, Cría y Pesca Santa Rosa awe tabata tin e placer di bisa danki na sr. Emiterio Antonio Bello pa su 32 aña di servicio y pa su pensioen bon
mereci. “Jim” ta su nomber di cariño aki na Santa Rosa. Tur hende conoce tambe bou
di e nomber ey.
Un persona semper cordial y cu un sonrisa semper na cara. Un
persona cu gusta su trabou di tur día cual e ta eherce cu placer. Manehando nos
trucknan di awa y ta hasi entrega di awa di dam na tur nos productornan local. Un
persona cu no conoce e palabra “no” den su vocabulario. Kico cubo puntre of pidi’e
semper cla pa yuda y realisa e trabou. “Jim” a cuminsa ta operador di Bulldozer.
Tambe manehado di truck di awa pa entrega di awa di dam pa nos clientenan
productor. Hasi tereno limpi pa planta cu tracktor y cualkier otro trabou cu ta rekeri
ekiponan pisa, semper “Jim” ta para cla pa yuda.
Sr.“Jim” Bello su carera aki na Departamento di Agricultura, Cria y Pesca,
Santa Rosa a duna inicio aña 1992 dia 2 di october. Su función e tempo ey tabata
“onderopzichter 3de klasse como chauffeur di ekiponan pisa. Funcionnan cu ela
eherce ta den trancurso di añanan cual a haya e siguiente promocionnan manera 1 di
november 1995 “Onderopzichter 2de Klasse, sigui pa algún aña después día 1 di
november 2004 “Onderopzichter 1ste Klasse y dia 1 di november 2017 “Adjunct-
Commies”
Después di 32 aña di servicion aki na Santa Rosa cual su fecha oficial di
pensión tabata 13 di december 2024 ultimo, awe nos a invita sr. Emeterio Antonio
Bello miho conocí como “Jim” pa un brindis di despedida. Tur colega di Santa Rosa a
para ward’e na entrada di Santa Rosa caminda pa ultimo biaha a maneha e Dump
Truck di Santa Rosa. Bou di pito di truck y aplauso nos a ricibi’e awe. Por admira
tambe e potret caminda “Jim” para na e truck D-283 cual truck di awa cu semper
”Jim” tabata maneha.
Sra. Nathalie Maduro director di Departamento di Agricultura, Cria y Pesca,
Santa Rosa a hiba un discurso chikito contando su experencia placentero cu “Jim” y a
efectua un bunita regalo na “Jim” di parti di tur colega. Nos ta gradici tur colega cu a
coopera pa e bunita gesto na “Jim”
Den representación di minister demicionario, sr. Ursell Arends tabata presente
sra. Jacky Feliciana kende a otorga un bunita plakaat di reconocimento pa su 32 aña di
servicio y un pensioen bon mereci.
Na final di tur discurso y recuerdonan inolvidabel cu “Jim” na momento di su
trabou a sigui cu un brindis na su despedida di su 32 aña di servicio y pensioen cu
pasaboca y bolo. Tambe ela haya un baki di fruta y berdura fresco cosecha aki mes na
Santa Rosa.
Awor “Jim” por bai disfruta di su pensioen bon mereci pero corda pasa hasi
nos un bishita leu leu aki na Santa Rosa.
“Jim disfruta dibo pensioen”
