Centro di bario playa pabou ta bay tin un evento riba e dia special di hende muhe “ dia international di hende muhe” Presidente di centro di bario playa pabou Dennis Burke ta duna di conoce cu un biaha mas lo haci un evento specialmente pa nos hende nan muhernan di Aruba.
Dia 8 di maart ta dia international di hende muhe , esaki ta cay riba un diasabra y a dicidi cu lo organisa e actividad un dia prome , esta 7 di maart. Riba e fecha aki tambe centro di bario playa pabou lo scoge un hende muhe cu a destaca den nos comunidad y centro di Bario Playa pabou a invita sra Jurima Bryson e Ombudsman di Aruba pa duna un lectura.
E actividad ta cuminsa 7 or di anochi y ta caba pa 9 or di anochi y e invitado special Jurima Bryson lo tey y lo papia riba topico riba igualdad y husticia. Esnan presente por haci e pregunta cu nan ta desea.