Marina Real a entregá e pin pa Instruktor Sertifiká ‘Het Uiltje’, na tres Militar di Kòrsou i un di Aruba.
Tres Instruktor di Kòrsou i un di Aruba awe a risibí nan pin di sertifikashon ‘Het Uiltje’ i awor por kuminsá apto pa instruí militarnan rekrutá pa bira Militar di Caribe. Entre otro nan ta instruí materianan tal manera outo ayudo/yudansa na kamarada (Zelf Hulp Kameraden Hulp (ZHKH), Konosementu di Lei, Lei, mapa i kòmpas, ademas di tiramentu. Banda di esei tambe nan por proporshoná formashon adishonal na sòldánan profeshonal.
Ku e otorgashon aki e importansia ta keda enfatisá di por tin instruktornan bon formá. Nan tin un gran papel den treinen i guia di Militarnan, i nan invershon ta di gran balor pa tantu Region di Karibe komo Hulanda. E kolaborashon entre Militarnan di Karibe i Hulanda, ta reforsá e siguridat regional i ta aportá na un kolaborashon efikas den futuro.
Banda di esei e shete instruktornan, entre otro e kuater nan aki, a risibí e sertifikado ‘ECOD Assessor’, ku kua ofisialmente nan tin outoridat pa evaluá sòldánan. E rekonosementunan aki ta enfatisá e labor importante di e instruktornan den formashon di Militarnan nobo pa Marina Real.