Minister Arthur Dowers ta para pa husticia y ta serio riba e caso di Ayden Lanoy. Na momento cu tabata den parlamento a tuma e caso aki hopi serio y awor cu ta minister di Husticia sigur cu loke a keda bisa lo cumpli cu esaki tambe. Minister Arthur Dowers ya caba a haci e prome contactonan pa haya informacion, pero te ainda no por haya informacionnan riba e investigacion cu ta andando ainda na e momentonan aki riba e caso lamentabel aki.
Sinembargo si a haya informacion con e procedura ta andando, pero debi cu e ta un combersacion pa ser conoci cu e departamento no a bay detaya riba e investigacion , pero e simannan padilanti lo reuni mas extenso den e caso lamentabel di e hoben Ayden Lanoy .
Sinembargo loke cu mester ta bon cla gobierno no por duna un contesta riba e contenido di e caso debi cu e caso aki ta den corte y si gobierno mester bay mete den e e contenido di e caso e lo mustra straño. Segun minister di husticia loke cu si ta kere cu ta importante ta cu si cierto informacionnan wordo puntra y tin cierto procesonan cu a pidi pa atende cu ne lo mester traha riba e parti aki hopi lihe y pueblo lo tende riba e partinan aki kico ta e pasonan cu lo tuma si ta den forma di proyectonan piloto of haci esaki den proyectonan definitivo.