Mike Eman y AVP a changa Mike de Meza manera dobel 6
Parlamentario Endy Croes a sigui e desaroyo di Mike de Meza hopi di cerca. Nos conclusion ta como lo siguiente: “Tin hende tin gevoel y otro a perde gevoel”. Mike Eman hunto cu Gerlien Croes a changa Mike de Meza formalmente mescos cu bo ta changa dobel 6 den wega di domino. Ainda Mike de Meza kier sigui culpa MEP.
Gerlien Croes no ta comparti un boonchi cu Mike De Meza
Gerlien Croes a bandona AVP paso Mike de Meza a gañ’e durante un reunion den Parlamento publicamente. Esaki ta un hecho. Mike de Meza dia 8 di januari 2025 tabata e unico Parlamentario cu NO a vota pa Gerlien Croes bira Presidente di Parlamento. Votacion a sali 20-0 y no 21-0. Pues De Meza a abstene di vota. Esaki tambe ta un hecho. Gerlien Croes a para fuerte cu Mike Eman, cu Desiree Croes “over su dead body”, lo bira Minister Plenipotenciario na Den Haag. Mike Eman a laga Desiree cay y mester a busca un pensionado cu 6 pensioen Baba Herde, stofia su bachi y asina prepar’e pa mand’e Hulanda. Esaki tambe ta un hecho.
Awor den henter e bada bada cu Mike de Meza no por pasa screening, segun fuente Desiree Croes kende ta coach Mike de Meza a traha un carta pa sostenedornan di De Meza y ta manda esaki pa Rey Willem Alexander carga cu mentira. Esaki tambe ta un hecho. Mike de Meza y su hendenan ta “missing the point”. No ta MEP mester draag De Meza voor na Gobernador como minister cumpliendo cu articulo 8 di ley di screening pero ta Mike Eman cu consciencia di Gerlien Croes. Un cos ta hopi cla cu Mike Eman NO ta tuma desicion. Tambe ta cla y raspa cu Mike de Meza no lo bira minister. E no a cumpli cu belasting y su comportacion fiscal ta na werki y ademas awor e ta sospechoso. Asina mes ainda Team De Meza kier culpa MEP. MEP ta pafo di boso wega. Boso problemanan interno resolvenan den cas y stop di tira paña sushi riba caya y stop di culpa MEP.
MEP no por paga belasting pa Mike de Meza
Dia 14 di maart formadornan Gerlien y Mike Eman a haya resultado di screening di De Meza. Dia 20 di maart formadornan a pidi DIMP pa un zienswijze como cu locual nan a ricibi De Meza no por wordo proponi pa candidato minister. Mesun dia 20 di maart Speed cu Patrick, e dos carpatanan di Mike Eman, tabata dilanti cas di De Meza cu e noticia cu De Meza debe hopi belasting.
Ken pueblo ta kere lo a duna nan e informacion aki pa haci e trabou sushi contra De Meza? Den boca di pueblo a core cu De Meza debe sumanan di 2 miyon florin, despues 1 miyon florin y por ultimo for di su abogado a compronde publicamente cu ta 600 mil Mike de Meza debe (hopi placa). Tambe den sentencia di hues por a tuma nota cu tin algun aña cu De Meza tampoco su señora (lesa e sentencia) no a entrega nan aangifte. Tambe lo a bende negoshi y aparentemente a sconde esakinan pa belasting. Lo a haci areglo di pago y tampoco a cumpli. Tur esakinan tabata den desventaha di De Meza. Pues Mike de Meza y su “gang” mester busca e problema den nan seno y NO hinca MEP den boso problema. MEP no por paga belasting pa Mike de Meza. Cada ken tin di cumpli cu su responsabilidad.
Como Parlamentario bo por entrega tur keho y investiga ken cu bo kier!
Mike de Meza ta biba den un bubbel cu MEP lo no kier pa e bira Minister paso e lo investiga yen di proyecto di MEP. Na prome lugar MEP no tin nada di sconde. Na di dos lugar como Parlamentario bo por haci cualkier investigacion y bo por entrega keho si bo tin prueba suficiente. Pa recorda Mike de Meza cu for di den Parlamento kehonan grave a wordo entrega contra Benny Sevinger di AVP pa atende cu e corupcion di mas grandi den historia di pais Aruba. Nos tur sa con esaki a termina cu 4 aña di prison. Pues BO no mester ta minister pa investiga y entrega keho. bo por haci mescos desde Parlamento. Stop di tuma Bo hende nan haci kens Parlamentariao Endy Croes ta termina bisando.