Durante dos inspekshon resien na sitionan di konstrukshon a resultá ku a ehekutá e trabou di slopmentu ku ta inkluí asbèst na un manera seif i adekuá. E inspekshonnan a tuma lugá den kolaborashon ku partnernan di kadena.
Direktorado di Supervishon i Mantenshon di Lei ta satisfecho ku e manera ku e kompanianan a kumpli ku e reglanan.
‘Nos ta mira esaki komo un bon ehèmpel di kon trabou di slopmentu ku ta inkluí asbèst por kana seif i segun regla,’ segun direktorado di Supervishon i Mantenshon di Lei. ‘Di e manera akí huntu nos ta sòru pa un ambiente di biba seif i saludabel.’
Huntu ku su partnernan e direktorado ta sigui traha riba siguridat, bon kumplimentu ku regla i kalidat den e sektor di konstrukshon.