CuracaoFeatured

Dentro di poko areglo nobo pa stimulá sektor di agrikultura

Dentro Di Poko Areglo Nobo Pa Stimula Sektor Di Agrikultura

Entidat Públiko Boneiru i Qredits ta trahando huntu riba un areglo spesial di estímulo pa empresa di agrikultura na Boneiru. Diputado Thielman den un reunion ku Qredits a papia tokante posibilidatnan adishonal pa promové sektor di agrikultura.

Promové agrikultura sostenibel i desaroyo di kunuku ta un di e prioridatnan di Kolegio Ehekutivo. Durante e último añanan Entidat Públiko Boneiru a krea algun insentivo pa empresarionan ku ta aktivo den agrikultura. Riba tereno di LVV a pone por ehèmpel parsela disponibel pa empresarionan den agrikultura ku ke produsí bèrdura i/òf fruta riba tereno di LVV. Banda di esei for di e programa di agrikultura ‘di Simia pa Produkto’ a designá vários coach ku ta yuda empresarionan ku skirbimentu di un plan di negoshi i Entidat Públiko Boneiru ta paga mitar di e gastunan di trèktòr pa plug e tereno di agrikultura. A pone fondonan disponibel ku ta stimulá merkado di agrikultura.

Komo kontinuashon riba e areglonan ku ta duna e sektor un impulso, diputado Thielman durante e reunion ku Elwin Groenvelts, direktor di Qredits i sra Milagros Blanken, branch-manager di Qredits Boneiru, a papia tokante e posibilidatnan di un mikrokrédito spesial pa e sektor di agrikultura. Segun diputado Thielman aktualmente e falta di medionan finansiero ta un di e faktornan ku ta forma un opstákulo pa empresarionan lokal pa kuminsá òf sigui ekspandé un empresa propio. Ámbos partido ta dispuesto pa ofresé e impulso finansiero nesesario na e sektor, i den e lunanan binidero nan ta bai hasi preparashon pa introdukshon di un fiansa agríkola na Boneiru.

Ku e areglo akí ta surgi espasio finansiero èkstra pa ekspanshon i sostenibilisashon di empresanan di agrikultura eksistente i un posibilidat pa un bon komienso pa empresanan nobo di agrikultura. Un aporte konstruktivo na e sektor, diversifikashon ekonómiko i produkshon lokal di kuminda na nos isla, segun diputado Hennyson Thielman.

Related posts

Te cu awor tin 23 candidata den 4 categoria pa participa pa reina di carnaval 70

EA News Author

Ombudsman awo ta spirito no a opta pa ancra e ley den constitucion: AVP, MAS y Accion 21 ta laga porta habri pa politiconan ta liber pa ignora investigacion di Ombudsman

EA News Author

E di 22 “Annual Charity Golf Tournament” di Rotary Club Aruba tabata un exito

EA News Author

Leave a Comment

Whatsapp Message