ORANJESTAD,Aruba
Parlamentario Mervin Wyatt-Ras ta trece padilanti cu na ocasion di clausura di anja Parlamentario 2019-2020 Parlamento a traha un relato di tur trabou cu a haci den e anja cu a pasa. Esaki ta un procedura di anjanan.
Den e rapport por nota cu no tabatin mucho reunion y preguntanan no ta ser contesta manera debe ser. En especial e reunionnan di comision ta solamente e comisionnan di justicia y di salubridad tabatin mas reunion.
Pa loke ta 3 vragenuur cu a ser pidi niun a wordo yama. E comisionnan “bijzonder” ta pa spek en bonen, p.e. esun di independisacion, cambio di constiticion y optimalisacion di Staten, no a reuni niun biaha. Esun di landsuitgaven, apesar di nos situacion financiero penoso, 1 reunion so a ser yama.
Di e 24 reunionnan cu fraccionnan a pidi, 8 so a ser yama. Kiermeen un tercera parti so a ser yama.
Di e 1328 preguntanan haci dor di tur parlamentario por bisa cu solamente 536 a ser contesta, esaki ta 40.4%.
Di e 228 preguntanan cu parlamentario Wyatt-Ras mes a haci, solamente 18 a ser contesta. Esaki ta solamente 7.9%.
Di e 45 preguntanan cu Fraccion di MEP y tambe POR (25) a haci na gobierno niun no a ser contesta.
E ministernan no ta contesta preguntanan manera mester ta.
Chris Romero no a contesta niun pregunta, esta 0%. Ni Andin Bikker 0%. Dangui Oduber a contesta solamente 13.9%.
Evelyn Wever-Croes solamente 38.5%
Xiomara Ruiz Maduro 52.5%, Marisol Lopez Tromp 69.4%, Armando Lampe 87.1% y Otmar Oduber 94.4%
Aki por mira con intransparente gobierno ta. E minister Presidente cu mester duna ehempel a contesta solamente 38% di e preguntanan haci na su persona.
Peor ainda e Presidente di Parlamento ta acepta esaki paso niun biaha el a manda un carta pa coregi e Ministernan comportacion negligente pa cu Parlamento. Ademas reunionnan ta wordo yama ora ministernan kier y no ora Parlamentarionan ta pidi. Esaki ta muestra di un stempel Parlement.
Segun Parlamentario Mervin Wyatt-Ras por nota cu gobierno no ta tuma Parlamento na serio y
no papia mes di e reunionnan cu ta ser yama a base di deseo di Minister. Mervin Wyatt-Ras ta lamenta e forma con Parlmento ta funciona y te hasta por nota con Evelyn Wever Croes ta gaba e Predente di Parlamento. Logico cu e ta gab’e y lo sigui gabe’e paso e no ta obliga Wever-Croes pa contesta Parlamento y ta haci kico su lider kier.
Loke Wyatt-Ras ta lamenta tambe ta cu e lista di ingekomen stukken no a ser trata tampoco.
For di e relato aki pues a keda demostra cu cifras con intransparente presidente di Parlamento y gabinete Wever-Croes ta.