Aruba Hotel & Tourism Association (AHATA) a patrocina un tayer exclusivo pa algun organisacion caricativo clave na Aruba. Durante e sesion e orador internacional renombra y experto den relacionnan entre empresa y non-profit, Mario Hernandez, a duna conseho valioso na e lidernan den esfuerso caricativo.
E tayer aki a wordo diseña pa capacita NGO’s cu ta enfoca riba reintegracion di gruponan vulnerabel cu conocemento valioso pa mehora nan colaboracion cu sector corporativo. Mario Hernandez a guia e participantenan den con pa transforma relacionnan di donacion tradicional den aliansanan strategico. E enfasis tabata riba construi relacionnan fuerte cu no solamente ta fortifica e mision di e NGO pero tambe beneficia e comunidad y e sector corporativo. Durante e tayer, Mario a comparti practicanan internacional riba con non-profit por:
Demostra nan balor na empresanan.
Crea un plan di colaboracion efectivo cu ta alinea cu metanan di e empresa.
Cambia for di djis pidi pa donacion pa ofrese oportunidadnan y relacion real.
E patrocinio di e tayer aki ta demostra e compromiso di AHATA pa un Aruba mas fuerte y sostenibel. Door di capacita NGO’s local pa crea mas conscientisacion y aliansa strategico, AHATA ta aspira na facilita mas iniciativanan impactante pa henter nos isla, creando un beneficio mas amplio pa tur.
