Den fin di siman tabatin un protesta cu a tuma luga di famia di e hoben cu a perde su bida cu 20 bala Ayden Lanoy, Sinembargo tambe tabata presente diferente persona cu ta contra di abuso policial na Aruba. Sr Max NG prome cu a Sali pa e marcha a hiba algun palabra para dilanti di e sra husticia ya ta bisa lo siguiente.
Pa tur hende cu a sufri na man di abuso policial, pa tur hende na Aruba cu nunca no a haya un oportunidad cu no tin un voz , pa tur hende na Aruba cu ta beneficia di nos mensahe , kico e mensahe ta ? Husticia.
Dilanti edificio di Corte di husticia pa ta presiso dilanti di sra Husticia a indica cu kier ta bon cla no ta polis ta pueblo su enemigo, pero nos enemigo ta corupcion, e hamber pa abusa di poder, e gana di mal uza poder pa interesnan personal, “ corupcion “ ta hunga den hopi forma, corupcion no ta simplemente e politico cu ta horta placa, corupcion no ta simplemente e hende nan cu ta wordo cumpra den gobierno pa haci cosnan ilicito, pero corupcion ta tambe cu bo ta wak algo pasa y bo ta nenga di haci algo siendo cu bo por.
Dilanti di sra Hustia Max NG ta indica cu tin un simpel demanda y esey ta husticia, husticia no ta un privilegio , husticia ta un derecho basico humano cu tur hende merece.
Sinembargo danki na e protesta na maart a logra cu awe tur polis tin un bodycam riba nan curpa, sinembargo esaki no ta un logro di solamente e grupo di Ayden Lanoy , pero e ta un logro pa Aruba, pa mas siguridad pa Aruba y e ciudadanonan. Prome cu e marcha a cuminsa tur presenta a haci un ocasion den nomber di Ayden Lanoy. Tambe tabata presenta fraccion di PPA unda cu ta sostene y apoya e famia den e momentonan dificil aki cu ainda no a haya un contesta di e resultado di e investigacion na Hulanda.
