Entidat Públiko Boneiru a disidí pa sera un lokalidat di akohida pa mucha na Kralendijk ku efekto inmediato. Nan a tuma e desishon akí relashoná ku preokupashon tokante siguridat di e edifisio kaminda e akohida tabata tuma lugá.
Durante un inspekshon nan a konstatá sierto defisiensianan na e edifisio. Seguidamente un eksperto di konstrukshon a husga ku na e momentu akí e edifisio no ta seif pa uso. Pa e motibu akí a disidí pa por lo pronto sera e lokalidat di akohida.
Siguridat ta na promé lugá
Entidat Públiko Boneiru ta duna balor grandi na siguridat i bienestar di mucha. Tur lokalidat di akohida pa mucha mester kumpli ku e eksigensianan vigente riba tereno di siguridat i kalidat. Seramentu di e lokalidat di akohida akí ta un paso nesesario pa salbaguardiá e normanan akí.
Sosten pa mayor
Mayornan ku debí na e seramentu akí a keda sin akohida, por akudí na bali di direktorado di Komunidat i Kuido. Si ta nesesario nan ta intermediá akinan pa haña un sitio di akohida alternativo.
Pa pregunta mayornan òf prensa por tuma kontakto ku Crystal Koolman via crystal.koolman@bonairegov.com òf via e number di telefòn 777-5504.