Pa fortifica nos sistema di salud
E Organisacion Panamericano di Salud/Organisacion Mundial di Salud (PAHO/OMS) y Gobierno di Aruba recientemente a firma hunto un Strategia di Cooperacion entre Pais (Country Cooperation Strategy, CCS) 2025-2030, asina reafirmando nan compromiso comun pa reforza e sistema di salud y promove bienestar pa tur hende na Aruba.
E acuerdo a wordo firma pa Dr. Jarbas Barbosa, Director di PAHO, y Drs. Mervin Wyatt-Ras, Minister di Salud Publico, Asunto Sociaal, Cuidado di Adulto Mayor y Cuido di Adiccion na Aruba, durante un reunion bilateral na e cede di PAHO na Washington, D.C.
“E acuerdo aki ta fiha e importancia di nos esfuerso comun pa mehora salud y bienestar na Aruba,” Dr. Barbosa a bisa. “E Strategia di Cooperacion entre Pais aki ta refleha nos compromiso comun pa igualdad den salud y desaroyo sostenible, y ta garantisa cu nos cooperacion tecnico ta enfoca y alinea cu prioridadnan nacional y ta responde na necesidadnan di Aruba.”
Linea di accion principal durante e proximo cinco aña ta:
Pa guia cooperacion tecnico PAHO/OMS cu Aruba, e CCS ta presenta tres linia di accion principal:
Reforsa sistema di salud pa expande Cobertura Universal di Salud pa tur edad.
Eleva prevencion y control di enfermedad transmitibel y no transmitibel y inclui salud mental como parti di enfermedad no transmitibel.
Formalisa colaboracion multisectorial door di incorpora “Salud den tur maneho” pa traha riba determinanten social y ambiental di salud.
Desaroyo di e CCS a ser coordina pa Oficina de PAHO/OMS Trinidad y Tobago y ta basa riba un consulta nacional dinamico cu a tuma luga den oktober 2024 na Aruba. E proceso a wordo guia por medio di conta representanten di Departamento di Salud Publico Aruba y a conta cu participation di representantenan di diferente ministerionan y departamentonan gubernamental, organisacionnan y grupo di profesionalnan cu ta eherce nan trabaonan riba tereno di salud y agencianan di Nacionnan Uni , cu e meta pa crea un Agenda Strategico cu ta alinea cu e Plan Nacional di Salud y Desaroyo 2025-2030.
E firmamento di e CCS ta un paso mas pa continua e partnership tecnico entre PAHO y Aruba, cu fin di mehora calidad di atencion, reduci costo di salud y enfrenta retonan nobo den salud. Hunto, nos ta para mas firme pa eleva nos nivel di salud y bida pa tur hende na Aruba, mientras nos ta contribui na meta regional y global den salud.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw