E Konferensia di Pueblonan Indígena, tene na Dialuna 6 i Diamars 7 di Òktober 2025 den e Biblioteka Públiko NALIS na Trinidad & Tobago, organisá pa e Komité Nashonal pa Reparashon, ta trese huntu lidernan prominente defensornan, akademikonan i lidernan polítiko karibeño, inkluyendo Honorabel Kamla Persad-Bissessar, Prome Minister di Trinidad i Tobago.
“Selebrando e resilensia di pueblonan indígena di Karibe: luchando pa reparashon pa genosidio i sklabitut nativo”
E evento aki ta duna un plataforma pa aborda inhustisia históriko i e marginalisashon kontinuo di komunidatnan indígena den henter e región.
E Organisashon di Derechonan Humano di Boneiru (BHRO), Miembro Asosiá di Komishon di Reparashon di CARICOM, bou di liderato di Presidenta Davika Bissessar Shaw, ta orguyoso di tuma parti den e evento históriko aki.
BHRO ta resaltá ku e poblashon nativo indígena di Boneiru a baha dramátikamente for di 2010 — for di mas o ménos 80% di e poblashon di e isla pa solamente 30% awe, Òktober 2025 — loke ta subraya e nesesidat urgente pa protehá i lucha pa drechnan indígena i pa protekshon internashonal bou di Charter di Nashonan Uni i Lei Internashonal.
Liderato i Abogasia
Durante e seremonia di apertura, James Finies a papia i a mustra e realidat riba e kontinuashon kolonial I marginalisashon di e Boneiriano indígena nativo, i a duna saludo huntu ku otro lidernan indígena for di e región.
Finies, un defensor prominente di derechonan humano Karibeño, ta presidi panel 2 i lo dirigí e diskushonnan riba e tema:
“Spiritualidat indígena, derechonan humano, i e imperativo di unidat.”
Panelistanan for di Trinidad & Tobago, Guiane Franses i Suriname lo eksplorá témanan importante manera kreyensianan ansestral, defensa di medio ambiente natural, i marginalisashon ekonómiko di pueblonan indígena.
Oradornan i partisipantenan distinguí ta inkluí:
Prof. Verene Shepherd, Presidenta di Komite pa Eliminashon Rasial I Deskriminashon CERD i Vicepresidenta di Komishon di Reparashon di CARICOM I Lidernan for di komunidatnan indígena den henter e región Karibeño.
Transmishon Regional i Internashonal
Tur seshon di e konferensia lo ta grabá i transmití bibu i den replays atrasa pa UWITV, pa asegurá akseso amplio regional i internashonal na e diskushonnan importante aki.
BHRO ta ekspresá agradesemento sinsero na e Komité Nashonal pa Reparashon di Trinidad & Tobago i na Dr. Claudius Fergus pa nan liderato den organisashon di e konferensia aki i pa avansá e kousa di reparashon pa pueblonan indíjena den henter e Karibe.
E konferensia aki ta resaltá e resilensia di pueblonan indíjena i e nesesidat kontinua pa abogasia, unidat i reparashon pa e injustisianan históriconan.
Bonaire Human Rights Organization ta sinti honra di kontribuí na e diskurso regional kritiko aki.