Celebrando e realisacion di soñonan pa famia tin nan propio cas
Despues di un temporada exitoso di celebracion y oportunidad, Aruba Bank ta anuncia e conclusion di su campaña di Hipoteca “The HomeOwners – 100 Aña di Converti Soño den Hogar”. E campaña aki a yuda hopi famia Arubiano logra un paso importante den nan bida: bira doño di nan propio cas.
Ta doño di un propio cas ta un soño, y pa hopi di nos clientenan, e soño aki a bira realidad. Desde e construccion di un cas nobo, compra di un propiedad, te renobacion of ampliacion di un cas existente, cada historia ta diferente, pero un cos ta sigur: e orguyo y felicidad cu un persona ta sinti ora e ta bira doño di su mes cas, ta sin igual.
Como parti di e campaña “The HomeOwners”, Aruba Bank ta anuncia e seis (6) ganadornan afortuna cu a gana un total di AWG 50,000,- den premio. Aruba Bank ta felicita tur ganador cu nan premio. Ganador principal ta José Luis Gallardo Prieto kende a gana AWG 25,000,-, segundo ganador ta Roseliny Dijkhoff cu a gana AWG 15,000,-, y e siguiente ganadornan a gana AWG 2,500,-: Adlwin Donata, Aprille de Castro, Claudio Wolff, y Chaorong Chen a/o Yinyi Chen.
Nan storia ta refleha locual Aruba Bank a simbolisa durante su 100 aña di existencia, un partner financiero confiabel, yudando famianan Arubiano logra nan soño di tin un hogar propio.
Nos ta invita tur persona cu tin e soño di tin un cas, pa tuma e siguiente paso. Nos ekipo di experto ta cla pa guia bo paso pa paso, pa cu bo por logra bo meta cu confianza y seguridad.
Haña sa mas tocante nos producto di Hipoteca riba www.arubabank.com y laga nos expertonan di Hipoteca guia bo den e proseso.
Aruba Bank, 100 Aña Realisando Soñonan.