Departamento Arubiana ta presenta un exposicion special titula “45 aña di Matutino DIARIO”, cu ta forma parti di e conversatorio “Comparti nos Herencia”.
E exposicion lo ta habri pa publico for di 3 te 14 di november 2025, na e edificio den Bachstraat 5, Oranjestad. Durante e exposicion, e bishitantenan por disfruta di un coleccion di edicionnan historico di e matutino DIARIO, un di e medionan di comunicacion mas importante den historia di Aruba.
Ta un oportunidad unico pa mira di cerca e evolucion di e periodismo local y e papel cu DIARIO a hunga den forma e identidad y herencia cultural di nos isla.
E evento ta un parti di e esfuerzonan continuo di Biblioteca Nacional Aruba pa preserva y comparti e patrimonio cultural di Aruba cu tur hende. Pueblo henter ta cordialmente invita!
Ora: Dialuna y Diaranson di 8:00 a.m. – 7:00 p.m. / Diamars, Diahuebs y Diabierna di 8:00 a.m – 5:00 p.m.
Press release: Biblioteca Nacional Aruba
