Hulanda lo pone disponibel 53.6 miyon euro cu ta un total di 110 miyon florin pa duna sosten na sistema di electricidad na Aruba (a cambio di kico ? )

Prome Minister di Hulanda Dick Schoof ta duna di conoce cu su bishita na Aruba ta pa a reuni cu Prome Minister di Aruba y tambe otro coleganan minister di loke ta e palabracionnan cu ya caba ta andando pa Aruba y despues lo ta na Colombia pa un conferencia di clima cu ta encera Aruba tambe. Prome Minister Schoof ta indica cu lo mester mira riba e sosten tecnico riba e deseo cu gobierno di Aruba tin pa desmantela e y limpia e tereno di refineria cu ta un proyecto sumamente grandi y cu lo dura hopi aña pa por realisa esaki. Sinembargo pa cu e desaroyo pa un desaroyo duradero den energia berde Hulanda lo duna sosten financiero na un suma basta grandi. Sinembargo tur dos prome minister a papia di e bunita di e proyecto y di e suma di sosten cu lo duna , pero ningun di dos prome Minister no a papia di kico ta e consecuencianan di e sosten financiero aki, Aruba lo haya e placa aki presta di Hulanda ? regalo di Hulanda? Kico ta e porcentahe cu Aruba lo mester paga bek si mester paga bek? E consecuencia di e placa aki cu Aruba ta bay haya un otro belasting nobo pa por paga e debe? , energia na Aruba lo baha of subi mas ? door di e suma ricibi ?