Un di e otro puntonan cu tin den e conseho di profesor Elsinga riba e ley di Reino HOFA ta cu e ta contradeci Minister Geoffrey Wever directamente den su ponencianan den e reunion ultimo den parlamento unda cu Minister Geoffrey Wever ta interpreta Articulo 38, e articulo cu ta stipula cu ta Hulanda mester duna aprobacion prome cu Aruba cambia leynan. Esaki ta significa cu ni cu si parlamento di Aruba kier cambia un ley den parlamento di Aruba no por haci esaki riba su mes pero cu mester haya aprobacion di Hulanda prome. Tambe e discusion ta riba cua leynan esaki lo ta.
Sinembargo segun minister Geoffrey Wever e ta aplica solamente riba e supervision financiero di Reino. Lider di fraccion di MEP ta indica cu minister Geoffrey Wever mester bay lesa e Memorie van toelichting ta mira cu e ta aplicabel riba tur ley cu tin consecuencia financiero. Profesor Elsinga su conseho urgente ta un “time out” para e ley awor aki y bay bek y no sigui cana den e direccion cu e ley ta canando incorectamente debi cu e ley di HOFA ta dunando Hulanda demasiado poder y e no ta bon pa Aruba.