Den marco di e proyecto “Perspectivanan Invisibel”, realisa recientemente na FAVI, un grupo di personanan cu limitacion na bista a participa den un curso basico di fotografia, comparti pa un fotografo profesional. A pesar di e reto visual cu e participantenan enfrenta, nan a logra completa e curso cu exito y desaroya nan propio proyectonan fotografico.
E curso ta marca un hit pa FAVI, siendo e prome bes cu un programa basico di fotografia a wordo ofrece den e marco aki. Segun e organisadonan, e iniciativa a supera tur expectativa y a demostra cu arte y expresion creativo no tin barera.
Rafael Barragan, fotografo profesional y un di e principal involucradonan den e proyecto, a comparti cu e experiencia tabata profundamente enriquecedor, tanto pa e participantenan como pa e docente. E proyecto no solamente a stimula creatividad, sino tambe a crea consciencia riba e diferente maneranan cu personanan cu limitacion visual ta percibi y interpreta e mundo rond di nan.
E exposicion final di e trabounan fotografico ta sirbi como un testimonio di perseverancia, talento y inclusion, resaltando e importancia di iniciativa culturanan cu ta duna bos y visibilidad na perspectivanan cu hopi biaha ta keda invisibel.
