Den e mundo digital rapido di awendia, hobennan ta enfrenta presion constantemente. For di
comparacion riba social media, hasta expectativa academico y di amistad, por sinti pisa.
Nabega mundo como un hoben por ta un desafio, y e presion cu hobennan ta enfrenta awo ta
diferente cu locual generacionnan prome a experiencia. Den e medio ambiente aki, e ta
crucial pa hobennan crea un fundeshi solido di confiansa den nan mes, forsa emocional, y ta
consciente di nan mes pa tin exito den nan bida personal y presencia digital.
Pa e motibo aki, Heart-Centered Leadership Foundation ta entusiasma pa anuncia “No Filter
Needed: Confidence Beyond the Screen”, un tayer dinamico y interactivo diseña pa yuda
hobennan desaroya confiansa den nan mes, maneha stress y nabega presion di bida cu mas
resiliencia.
Cu un combinacion di actividadnan practico y discusion den grupo, participantenan lo siña
con pa: maneha presion y keda den control pa cualkier cos cu por pasa den bida. Maneha
stress y evita distraccion digital. Crea confiansa den nan mes—sin depende di ‘likes’ y
aprobacion y fortalese relacionnan cu amistadnan, famia y nan mes.
“Esaki no ta simplemente un otro tayer, e ta un oportunidad pa hobennan desaroya
habilidadnan cu lo sirbi nan pa bida”, a remarca Deanna Lampkin, trahado hubenil na
Heart-Centered Leadership Foundation. “Na un momento cu presion social ta mas halto cu
nunca, nos kier duna hobennan un espacio pa crece, construi, y crea confiansa den nan mes
cu no ta kibra”.
Duna bo hoben e oportunidad pa desaroya confiansa personal. Esaki ta mas cu un simpel
oportunidad pa siña, e ta un inversion den nan bienestar emocional y futuro. E tayer ta tuma
lugar dia 9 di Maart na Teresita Center, San Nicolas, di 2:00 pm pa 4:30 pm.Espacio ta limita,
no perde e chens pa inscribi bo yiu.
Pa mas informacion of pregunta tocante inscripcion, por tuma contacto cu e fundacion via
whatsapp na 5841211. Por bishita Heart-Centered Leadership Foundation su facebook page
tambe pa e link directo pa inscribi.
Tocante HCLF:
Heart-Centered Leadership Foundation (HCLF) ta un fundacion cu a keda estableci na 2008
cu e meta pa inspira y empodera hobennan di Aruba. Desde 2012 e fundacion ta ofrece
diferente tayer, actividad y seminario unda hobennan ta haya oportunidad pa desaroya nan
caracter y habilidadnan cu ta fortifica nan desoroyo personal y profesional.
