ORANJDESTAD/ Aruba, 5 januari 2026 : Durante atardi, un accidente di auto a tuma luga riba e caminda di Hato, net for di rotonde Tankiflip rumbo na rotonde di Aruba Bank. Un Chevrolet color oranje, pa un motibo no conoci, a perde control y a cay den e rooi na banda di caminda.
E brandweer y ambulance a yega lihe pa libera e persona for di den e auto y duna asistencia medico pa evalua su estado di salud.
E polis a cera temporalmente ambos banda di caminda pa permiti cu e autoridadnan y servicio di emergencia por atende e accidente manera seguro y duna asistencia na e chauffeur.