Diahuebs anochi, Departamento di Crimen Organisa (DCO) conhuntamente cu Polis Uniforma di San Nicolas a detene dos persona y a confisca un cantidad di droga.
Accionnan a cuminsa despues cu Kustwacht a haya un boto deriva sin tripulante y a informa DCO. Polis a cera parti di Colony y a topa un auto sospechoso. Despues di un persecucion, e auto a para na Juana Morto, y tres personanan a huy.
Den un busceda inmediato, polis a logra detene dos sospechosonan di nacionalidad Venezolano. Un tercero no a por wordo haya. Den e auto a encontra bulto di droga, y e vehiculo a wordo confisca.
DCO ta sigui trahando pa combati trafico di droga na Aruba. Cuerpo Policial Aruba ta pidi comunidad pa reporta cualkier informacion via 11141.
