Durante reunion di IPKO, Oriana Wouters, representante di Dutch Climate and Social Justice Group, a duna un presentacion enfoca riba e situacion di clima y naturalesa na Aruba.
E grupo informal a keda invita pa comparti su punto di bista for di perspectiva local. Segun Wouters, durante su intervencion el a ricibi hopi preguntanan di parlamentarionan, loke el a interpreta como un señal positivo di interes y preocupacion tocante e gravedad di e situacion ambiental na Aruba.
Wouters a indica cu actualmente Aruba tin acceso na instrumentonan manera e Rechtcultuur Fonds, cu ta brinda oportunidad pa desaroya proyectonan di adaptacion na cambio di clima. Sinembargo, el a enfatisa cu tin necesidad pa mas participacion, tanto di hobennan como di experto local, den desaroyo di maneho ambiental.
Segun e representante, cada biaha mas hoben na Aruba ta mustra interes den proteccion di clima y naturalesa. El a subraya cu e momentum actual ta importante pa amplia colaboracion entre paisnan den Reino y fortalece participacion di Aruba den decisionnan relaciona cu cambio climatico.