Den diferente barionan di Aruba ta surgi preocupacion creciente riba actonan di vandalismo y falta di respet contra propiedad publico y priva. Segun algun residente, e situacion ta bira cada biaha mas comun, loke ta laga hopi hende pidi medidanan mas fuerte pa preveni e tipo di comportacion aki.
Segun opinionnan expresa den comunidad, tin un sentimento cu falta di regulacion of castigonan fuerte por ta contribui na e problema. Algun residente ta sugeri cu boetenan mas halto of otro tipo di medidanan legal por yuda pa pone esnan responsabel pa vandalismo paga pa e daño cu nan ta causa. Principalmente pa esnan cu ta benta shushi una cu ta.
Tambe tin propuesta den comunidad cu personanan cu ta causa daño na propiedad publico por wordo obliga, bou di ley, pa haci servicio comunitario, manera traha na centronan di bario of yuda cu mantencion di luganan publico. Segun e opinionnan aki, e tipo di medida por yuda pa siña e balor di e trabou y esfuerso di otro.
Residente tambe ta enfatisa cu colaboracion entre bisiñanan ta importante pa enfrenta e problema. Pa hopi hende, un comunidad cu ta traha hunto y ta mantene atencion riba su bario por yuda preveni y reduci actonan di vandalismo.
E tema di vandalismo y responsabilidad social ta sigui un punto di discusion den diferente comunidadnan, cu hopi hende ta sperando pa mas consciencia y medidanan cu lo proteha e bario y propiedad di tur ciudadano.
Claramente por mira e pick up cora dobel cabina y un porta blanco ta esun responsabel pa e sinberguenseria di bin benta su sushinan riba veld di deporte na Dakota.