Miembronan di Grupo Monarka a reuni recientemente pa celebra Dia di Himno y Bandera, un fecha nacional importante pa Aruba. Durante e celebracion, nos grandinan a comparti alegria, musica y compania mientras nan a marca e momento historico di e fiesta patriotico.
Durante e actividad, miembronan di Grupo Monarka a disfruta di un ambiente di union y celebracion mientras nan a recorda e significado profundo di e fecha nacional. E reunion tabata parti di e celebracion mas amplio di e aña historico pa Aruba, unda tambe ta recorda 40 aña di Status Aparte y 50 aña di nos Himno y Bandera.
Dia di Himno y Bandera ta wordo celebra tur aña riba 18 di maart, recordando e introduccion oficial di e bandera y himno nacional “Aruba Dushi Tera” na 1976, un simbolo di orguyo y identidad nacional pa pueblo Arubiano.
Segun Liccia Maduro di Grupo Monarka, e celebracion tabata un momento special pa e miembronan di e grupo, unda nan a por reuni pa gosa hunto y honra simbolonan nacional di Aruba. Durante e actividad, e participantenan a celebra cu entusiasmo y a marca paso den e conmemoracion di e dianan historico pa pais.
E reunion a mustra con nos grandinan ta sigui participa activamente den celebracionnan cultural y patriotico, transmitiendo orguyo nacional y tradicion di generacion pa generacion.
