Awe merdia pa 2:00 PM, Parlamento di Aruba lo tene un reunion di suma importancia cu participacion di tur sindicatonan riba e tema di Rijkswet HOFA. E encuentro aki ta considera crucial den e dialogo continuo entre gobierno y representantenan di e sector laboral.
E reunion lo enfoca riba e preocupacionnan existente tocante e impacto di Rijkswet HOFA riba Aruba, un tema cu a keda na centro di atencion despues di e reciente protestanan sindical durante bishita di Rey Willem-Alexander.
Importante pa destaca cu e reunion ta un bijeenkomst habri, loke kiermen cu tur ciudadano tin oportunidad pa asisti y sigui e discusionnan directamente y haya sa mas di e realidad di e impacto di Rijkswet HOFA tin pa Aruba. Esaki ta brinda un momento unico pa publico informa su mes y haya mas claridad riba un asunto cu tin gran influencia riba futuro economico y financiero di Aruba.