Recientemente, e liderazgo di RBC Bank Aruba a organisa un siman di aprecio pa nan empleadonan. Como e actividad final di e siman aki, a tene un sesion di “hersengymnastiek” (gymnastiek mental) dedica specialmente na e elementonan cultural di Aruba, e celebracion di Dia di Rey 2026 y otro temanan relevante. E presentacion tabata na encargo di e docentenan Addonsito Croes y Jarissa Dubero.
E competensia tabata dividi den diferente segmento interactivo, manera Arubanita, baile, e caha magico, “ken nan ta”, conocemento di nan mesun banco, y e rond di “berdad of falso”.
Un total di 5 grupo a participa, cada uno identifica cu nomber di un fruta: Cherry, Bacoba, Grapefruit, Batido y Mandarin. Despues di un competensia hopi anima, a anuncia e ganadornan:
- Miho Bailado: Brandon
- Persona MVP: Sharlyn
- Premio Sorpresa: Rachelle
- Grupo cu mas ambiente: Bacoba
- Segundo Luga: Grupo Bacoba
- Grupo Ganado: Grupo Batido
Un gradicimento special ta bay na e team organisado y na cada empleado cu a participa activamente cu hopi alegria. Pabien na tur e ganadornan.
