Minister Plenipotenciario, drs. Gracita Arrindell, a comparti cu durante e bishita recien di e parlamentarionan di Sint Maarten na Hulanda, e gabinete di e minister a organisa un programa di Meet & Greet. Durante esaki, e Miembronan di Parlamento a reuni cu Zenarah Brown y sra. Berry, dos damita hoben cu a destaca pa medio di nan participacion den certamennan di bunitesa y nan enbolbimento den comunidad.
Mas prome den e aña aki, sra. Brown a haci historia ora el a bira e prome Miss Dutch Caribbean Teen, un logro cu a wordo reconoci y celebra pa e delegacion parlamentario. Durante e combersacion, e dos hobennan a comparti nan experencianan personal, e desafionan y oportunidadnan cu nan a encontra riba nan caminda, y e importancia di representa Sint Maarten riba scenarionan regional y internacional.
E Miembronan di Parlamento a expresa nan aprecio pa nan logronan y a curasha nan pa sigui sirbi como ehempelnan positivo pa e hobennan di Sint Maarten.
E intercambio aki a resalta e importancia di inverti den desaroyo di hubentud, liderasgo y representacion cultural, brindando na mes momento un oportunidad pa dialogo entre e mandatarionan eligi y e siguiente generacion di ambahadornan pa Sint Maarten.
Minister Arrindell a duna bon bini na e oportunidad di por a fungi como anfitrion pa e atardecer aki, y a elogia e dos hobennan pa nan dedicacion, perseverancia y compromiso pa representa Sint Maarten cu orguyo.
E Miembronan di Parlamento di Sint Maarten tabata na Hulanda pa participa den e Consulta Interparlamentario di Reino (IPKO) na Den Haag. E delegacion tabata bou di liderazgo di President di Parlamento, sra. Sarah Wescot-Williams.
Minister Arrindell y miembronan di e personal di Gabinete a reuni cu e parlamentarionan. E reunion a brinda un oportunidad pa refleha riba e bishita di e delegacion na Hulanda y pa fotalece e lasonan entre e representantenan di Sint Maarten, tanto paden como pafo di Reino.