Diputado Joselito Statia awe, 29 di juni 2026, a entrega su retiro por escrito como miembro di Colegio Ehecutivo. Cu entrega di e retiro, señor Statia ta stop inmediatamente cu su funcion como diputado.
Entidad Publico Boneiro kier duna comunidad claridad tocante e situacion di gobernacion. Colegio Ehecutivo ta keda totalmente autorisa pa eherce su tareanan. Conforme e reglanan cu ta conta, Colegio Ehecutivo ta consisti di gezaghebber y un minimo di dos diputado. Pues cu e dos diputadonan cu ta den funcion, Colegio Ehecutivo ta sigui funciona completamente.
Dunamento di servicio na comunidad ta sigui sin kita sin pone, e tareanan diario ta sigui manera custumber.
Na e momento aki no a regla ainda ta ken ta bini como sucesor di señor Statia. Asina cu tin mas claridad, Entidad Publico Boneiro lo informa comunidad tocante esaki.
Por ultimo, Entidad Publico Boneiro ta yama señor Statia danki pa su dedicacion durante su periodo como diputado y ta desea su persona tur clase di exito pa den futuro.