Bonaire

A invitá biaheronan eko-konsiente pa registrá komo Earthonauts na Boneiru

A Invita Biaheronan Eko Konsiente Pa Registra Komo Earthonauts Na Boneiru4

Nos isla ta lansa kampaña di merkadeo i ta invitá Musk, Bezos i Branson pa djòin e mishon

E isla hulandes karibense Boneiru ta aktivamente en buska di hende konsiente di medio ambiente pa e kampaña di Earthonauts ku nan a lansa resientemente. Ku partinan igual di trabou boluntario i eksplorashon ku wowo hanchu habrí, e programa ta invitá bishitantenan pa eksperensiá un di e último fronteranan bírgen ku a sobra di nos planeta: Boneiru.

Awor ku henter mundu ta wak den direkshon di espasio komo e siguiente trènt den biahamentu, a desaroyá e inisiativa akí pa kòrda nos ku ainda tin lugá pa eksplorá riba nos propio planeta, por ehèmpel Boneiru. 

Pa duna sosten na e mishon akí, Boneiru ta enfoká riba turistanan espasial bionario, pa medio di un kampaña di konsientisashon ku ta invitá hendenan manera Elon Musk, Richard Branson i Jeff Bezos pa posponé nan aspirashonnan astronóutiko i enkurashá hendenan pa konsentrá nan mes riba eksplorashon di mundu na un manera responsabel. Via publikashonnan ku hopi enfoke den medionan di komunikashon, ta invitá e lidernan den turismo espasial akí pa partisipá na e mishon inougural di Earthonauts, pa medio di ‘billboards’ pafó di nan sitionan di lansamentu (Blue Origin, Virgin Galactic i SpaceX) i nan ofisinanan.

‘Nos ta usa e espasionan sumamente spesífiko pa propaganda akí pa hala atenshon di algun di e personanan ku mas influensia na mundu ku lo por yuda e kampaña logra su meta’, segun Troy Dunn, fundadó i presidente di Dunn&Co, e konosido ofisina di propaganda di Boneiru. ‘Tur e tres bionarionan akí a aportá na nan propio manera na mundu i nos ta pidi nan pa trese e mesun energia akí Boneiru. Esaki ta un invitashon pa eksperensiá e frontera final di e planeta kaminda nos ta biba.’ 

Miéntras Musk, Bezos i Branson ta risibí invitashon personal pa partisipá na e mishon, biaheronan interesá por registrá pa medio di manda un video riba JoinTheEarthonauts.com. Minusiosamente lo selektá sinku Earthonauts pa risibí un biahe pa Boneiru kompletamente pagá pa yuda den e esfuersonan lokal pa konservashon di naturalesa durante nan eksplorashon di e destinashon bírgen akí. E Earthonauts lo yuda Boneiru, un isla ku pa desenas di aña ta konosí pa  protekshon di su ambiente natural, ku promoshon di su mishon di Blue Destination.

‘Nos sa ku te ainda nos planeta tin kos pa siña nos, sekretonan pa kompartí ku nos i milagernan nobo pa nos atmirá’, segun Miles B. M. Mercera, direktor di Tourism Corporation Bonaire. ‘Pa e motibu akí nos ta lansa e programa di Earthonauts i nos ta trese biaheronan konsiente di medio ambiente na nos isla. Nos ke krea konsientisashon pa e bunitesa natural ku bo ta haña den tur hende su kurá di kas i nos ke enkurashá mas biahero pa eksplorá na un manera responsabel i gosa di esaki.’

E mishon di Earthonauts, si nan skohe pa aseptá esaki, ta enserá partisipashon na proyektonan di sosten, manera habrimentu di e kanalnan di palu di mangel na Lac huntu ku Mangrove Maniacs, un programa di rekuperashon di ref konsistiendo di tiendanan di buseo lokal ku ta fasilitá un buseo di restorashon, mantenshon di Bonaire Donkey Sanctuary, partisipá na proyektonan pa hubentut manera trahamentu di instrumento musikal na Mangazina di Rei, i asistí biólogonan marino den parke nashonal di nos isla ku nan investigashon di koral.

E meta final di e programa di Earthonauts no ta solamente pa laga mundu mira kuantu Boneiru ta enbolbi ku futuro di nos planeta, pero tambe kon importante ta pa su bishitantenan pa forma parti di mantenshon di e bunita isla akí (i e mundu pafó di esaki) pa futuro generashonnan. E inisiativa akí ta bini despues di lansamentu di The Bonaire Bond mas tempran e aña akí riba Dia di Mama Tera, un programa ku ta intenshoná pa mustra kon importante turismo sostenibel ta pa nos komunidat lokal.

E ‘deadline’ pa registrá pa partisipashon na Earthonauts ta 1 di òktober 2022. Dia 10 di òktober 2022 ta anunsiá e sinku finalistanan i den luna di novèmber 2022 nan ta kuminsá ku nan biahe di sinku dia pa nos isla. Pa bini na remarke e kandidatonan mester ta suidadano merikano, nan mester tin 18 aña bai ariba, nan mester por biaha meimei di luna di novèmber 2022 i nan mester ta físikamente kapas pa yuda organisashonnan lokal di protekshon di naturalesa. Un lisensia pa sambuyá ta un bentaha, pero no un eksigensia. 

A Invita Biaheronan Eko Konsiente Pa Registra Komo Earthonauts Na Boneiru5A Invita Biaheronan Eko Konsiente Pa Registra Komo Earthonauts Na Boneiru2A Invita Biaheronan Eko Konsiente Pa Registra Komo Earthonauts Na BoneiruA Invita Biaheronan Eko Konsiente Pa Registra Komo Earthonauts Na Boneiru3

Related posts

Boneiru nominá pa Condé Nast Traveler’s 2021 Readers’ Choice Awards

EA News Author

Prestacion mensual di turismo na Boneiro: E dos mercado mas grandi di procedencia na Boneiro ta Hulandes (47,0%) y Merca (25,4%)

EA News Author

Splikashon relashoná ku medidanan di emergensia pa sigurá suministro di kombustibel.

EA News Author

Leave a Comment

Whatsapp Message