Arrindell a declara dialuna cu e reunion di diabierna 28 di augustus 2026 tabata e prome biaha cu tres minister plenipotenciario por a ta presente hunto den un formato colectivo. Minister Plenipotenciario di Aruba, Mildred G.M. Schwengle, a keda nombra na maart, sigui recientemente pa Minister Plenipotenciario di Corsou, Sidney C. Justiana.
Arrindell a remarca cu ta importante pa e islanan CAS (Corsou, Aruba, Sint Maarten) di Reino mantene cooperacion cercano, intercambia bista riba rol y responsabilidad, y discuti prioridadnan. Algun tema cu por wordo trata ta e avance di e Paketenan di Pais (Landspakketten), siguridad alimentario via e Fondo Carifood, desaroyo socio-economico y eimplementacion di mocionnan di Segunda Camara Hulandes.