Den e debate politico actual, e tema di gastonan di viahe di Minister Gerlien Croes a bolbe lanta cabes y cuestionamento. Lider di fraccion di MEP, sra. Evelyn Wever-Croes, ta señala den un recientemente cu e defensa presenta pa e mandatario ta gira rond di dos argumento principal cu ta pone e maneho financiero y e transparencia administrativo bou di un escrutinio intenso.
Transparencia Parcial y e Derecho di Informacion Publico
E prome argumento ta enfoca riba e defensa cu e minister ta paga un parti di su gastonan di viahe for di su propio saco cu e ta indica cu ta (“di su bida personal”), presentando esaki como un contribucion boluntario. Sinembargo, e critica principal ta cu un minister no por duna informacion na un forma selectivo of incompleto ora ta trata di un viahe di trabou.
Si un viahe ta oficial, e pruebanan di pago mester ta transparente. Maske cu leynan ta protege e esfera personal y bida priva di un ciudadano, esaki no ta nifica cu por kita of tapa informacion financiero ora ta trata gastonan publico. Si tin datonan sensibel riba un cuenta bancario, esakinan por wordo kita, pero e prueba di pago, e fecha, e suma y e destinacion mester ta habri pa publico. E echo cu ta duna informacion di forma parcial ta habri porta pa duda tocante e naturalesa exacto di e biahe di trabou cu e mandatario a haci pa pais Aruba.
Ken ta Paga e Resto y e Conflikto cu e Código di Conducta
E di dos argumento ta lanta e pregunta crucial: si e minister ta paga solamente un parti chikito, ken ta paga e resto di e gastonan? Si un viahe di trabou ta costa, por ehempel, 4.000 florin, y e minister ta paga 1.000 florin di su propio saco, ta keda pendiente pa mira ken ta paga e 3.000 florin restante.
Ora un tercer persona of instancia ta contribui na e pago di un biaha di trabou, esaki ta trece tras di dje retonan serio relaciona cu e Código di Conducta di Minister Gerlien Coes. Un mandatario ta estrictamente prohibi pa acepta tipo di beneficionan financiero of contribucion di tercer persona pa gastonan cu ta pertenece na su funcion publico. E riesgo di conflict of interest ta bira demasiado grandi, ya cu cualkier contribucion externo por wordo interpreta como un forma di influencia indebidamente.
Transparencia total ta e unico caminda pa kita tur sospecho den gobernacion. Manera lider di fraccion Evelyn Wever-Croes ta remarca, ora ta trata di gastonan di viahenan di trabou, un minister tin e deber moral y legal di duna cuenta cla, garantisando asina integridad y confiansa den maneho publico.