Pasobra antes boso tabata scuridad, ma awor boso ta lus den Senjor, cana como yiunan di lus.(
Efesionan 5:8).
Scuridad kier domina mundo, inmoralidad, bruheria, criminalidad, perversidad, mentira, calumnia,
egoismo, tur eseynan ta obra di scuridad.
Si nos wak bon , tur obra di carni ta bini for di e mundo di scuridad.
Pero un cos nos ta sigur cu den Cristo nos a vence scuridad, pasobra Dios ta lus, y den dj’E no tin
nada, pero nada di scuridad.
Mi a bini como lus den mundo,pa tur esnan cu kere den Mi,no keda den scuridad.( Juan 12;46).
E pueblo cu tabata sinta den scuridad, a mira un gran lus,y esnan cu tabata sinta den tera di sombra di
morto, riba nan lus a resplandese.( Mateo 4:16).
Pasobra Dios Kende a bisa: Lus lo resplandece den scuridad, ta Esun cu a resplandece den nos
curason, pa duna e lus di conocemento di e gloria di Dios den cara di Cristo.( 2 Corintionan 4:6).
Cuanto hende awendia no ta pretende di ta den lus, pero keto bay nan ta den scuridad,
E lus di Dios no ta mara na rikesa ni con sabi bo ta pero e ta mara na humildad, y na respet y temor di
Dios.
Si bo curason ta yena di orguyo bo ta den scuridad, no ta importa ken bo ta, bo mester di Cristo Hesus.
Si bo ta cana cu idea cu bo ta mas cu otro hende, bo ta den scuridad.
Si bo no kier pordona bo ta den scuridad.
Si bo ta un tata cu tin trabao y bo no ta cria bo yiunan, bo ta den scuridad.
Si bo ta hiba un bida di redo, odio y vengansa bo ta den scuridad.
Si bo ta un mama cu ta wak mas pa bo hunja, cabey y curpa y no ta wak bo yiunan bo ta den scuridad.
Si bo tin mas tempo pa mundo y menos pa Dios bo ta den scuridad.
Si placa tin mas balor cu Dios pa bo , bo ta den scuridad.
Si bo ta un homber cu ta maltrata muher bo ta den scuridad.
Si bo ta un muher cu ta manipula homber bo ta den scuridad.
Si tur cos cu bo tin cu haci pa Dios, bo ta murmura, bo ta den scuridad.
Si te ainda bo ta cana cu creencia den bruheria, idolatria, y santeria bo ta diep den scuridad.
Si bo ta biba den pasado di hende, bo ta den scuridad.
Si te ainda bo mes no kier laga bo pasado bay , bo ta den scuridad.
Si bo ta biba den adulterio bo ta den scuridad.
Si bo no ta respeta naturalesa y principionan di Dios , bo ta den scuridad.
Si bo no por celebra victoria di bo prohimo, bo ta den scuridad.
Hesus bisa: Ami ta e lus di mundo.esun cu sigi Mi,lo no cana den scuridad, ma lo tin e lus di bida.(
Juan 8:12).
Nos no ta yama pa participa den ningun clase di obra di scuridad, pasobra diabel por disfrasa na angel
di lus, pero e lus di Senjor lo revela tur cos y lo basha tur cos abao, pa evita cu nos lo cana den
scuridad.
Esun cu ta cana den scuridad no sa na unda e ta bay, pesey Cristo Hesus a bini na mundo, y a duna nos
Su lus pa ken cu kere den dj’E no bay perdi.
Mundo tin hopi fiesta di scuridad, pero e lus di Senjor lo kibra cu tur scuridad.
Cana den Su lus.
Sinceramente, Pastor Marcel Balootje.